إدارة منتديات 
رساله من طفلك ( عشان علاقتنا وصحتنا تكون أحلى رضعيني طبيعي)
( والوالدات يرضعن أولادهم حولين كاملين لمن أراد أن يتم الرضاعه )
أمّاه
تأكدي أن نصف الرضاعه نفسيه
وإليكي وصاياي العشر لتحافظي على صحتي وصحتك
عن طريق الرضاعه الطبيعيه
1)أعطيني من الحليب الطبيعي عشان صحتي تكون حلوه وأسناني وبنيتي ولا تبين الناس أسنانها بيضه وأنا أسناني صفرا
2)لما ترضعيني إحضنيني ولما تضطرين ترضعيني صناعي أو تعطيني شاي أطفال
ضميني على صدرك بنفس وضعية الرضاعه الطبيعيه
3)نص رضاعتي نفسيه أنصتي لي و خلي بينك وبيني لغة العيون
وإنتي منتي منفعله
روقي عشاني تراني أحس وأتألم لألمك
ألاحظ الطفل اللي أمه بعالم وهو بعالم مايآخذ راحته بالرضاعه
هي تنفعل بالصوت العالي وهو يبكي
لأ لأ عطيني إنسجام كامل
رضعيني بعينك وروحك وضميني أكثر
4)ترى الرضاعه الطبيعيه تكون رابط نفسي بيني وبينك فلا تقطعين هالرابط اللي بينا إلا
بعد ماتشبعيني منه ولاتفكرين تجيبينلي أخو ثاني إلا بعد ماآخذ حقي من الرضاعه
5) لاتقولين مافيك حليب !! ولاّ من تتألمين خلاص ترميني وتجهزين الرضاعه
تراني جيت برزقي يعني طول منتي مصره ترضعيني ربي بيرزقني فلاتخافين ولاتملين مني
وطول منتي تقولين أنا ماودي أرضعه !! ماني قادره أنام مسهرني هالطفل !! ورابطني ماأعرف أتسوق
ولاأتمشى عشانه !!
يبدأ يقل الحليب في صدرك وأبكي لأني جوعان ومافي حليب !!
فلا تحرميني بالله لو كنتي مكاني ماكنتي تحبين ترضعين من صدر أمك الي كله دفا
وحنان ولا من الرضّاعه اللي من إسمها صناعيه
فحسي فيني الله يخليك
6) لاتنسين التكاليف الماديه من شراء الحليب
وهذا مجاني ربّاني نعمه لاترفسينها يامامي
ترى النعمه زوّاله
وبغض النظر عن الماده مافي شي يغني عن حليبك
7) أغلى القطرات
التي تكسبني الصحه لاتبخلي علي فيها من تولديني عطيني
اللبا هذي من أكثر المواد التي تقيني من الأمراض فخلي أول رضعه منك
عشان تكسبيني المناعه فعشان صحتي ألقميني صدرك
ولاتحسبين هالماده قيح تراها أهم ماده لصحتي ومافي شي يعوضني عنها
ولاتنسين النزلات المعويه اللي إحتمال تصيبني من إهمال تنظيف زجاجة الحليب
الصناعي إنتي يمكن ماتنسينها بس غيرك يمكن ينساها
9) ماما
شوفي ثقل الحليب قبل ماتعطيني إياه وانا طفل الشهر والشهرين الي إنتي يمكن
ماتشتهين تشمينه
عوديني على حليبك الطبيعي وخليه مصدرك الوحيد لرضاعتي
عشان مايجي يوم وأعاف الرضاعه من صدرك
ماما بقولك سر :
طعم حليب صدرك مش ثابت أو محلى
إذا أكلتي شي مالح أذوق ملوحته من حليب صدرك وإن أكلتي شي حالي
أذوق طعم حالي
عشان كذا إذا ذقت الطعم الحالي للحليب الصناعي أنبسط مره
وماعاد أبي حليب طبيعي
10) وأخيراً وعشان رشاقتك
إذا تبين جسمك يصير حلو رضعيني سنتين ولا ترى بتصيرين دبه مره ولاتزعلين وتقولين ليه مارجع جسمي زي أول
ولدك حبيبك النونو
منقول
